Iksoj aŭ unikodo

Literoj kun supersignoj

Esperanto havas ses literojn kun supersignoj. Tiuj estas: ĉ ĝ ĥ ĵ ŝ ŭ.

Skribi ilin estas facila, sed por anglema komputilo, ne tiel facilas. Ankoraŭ, ASCII (usona normo) estas la plej uzata signaro. Kaj ĝi ne havas ne-anglajn literojn. Por uzi la esperantaj literoj komputile, ekzistas kelkaj manieroj:

Veraj supersignaj literoj:

• Unikodo (Unicode)
• iso-8859-3 (ankaŭ nomiĝas 'latin-3')

ASCII-aj neveraj literoj:

• x-sistemon: Ankaux miaj sxuoj estas en la cxambro
• h-sistemon: Ankau miaj shuoj estas en la chambro
• ^-sistemon: Ankau* miaj ^suoj estas en la ^cambro

Sistemojn kiujn ne ŝatas mi

Mi opinias ke ^-oj en vortoj malfacile legigas. La h-sistemo estas anglema kaj nur vere logikas por ĉ kaj ŝ: ch kaj sh. La ĥ, skribata kiel hh, malplaĉas al mi.

iso-8859-3 oni ne plu uzas ofte.

Sistemojn kiujn ŝatas mi

Unikodo kaj la x-sistemo estas la du sistemoj kiujn mi uzas. Mi ĉiam tajpas per iksoj, sed post tio ofte transkodigas.

La x-sistemo povas esti transkodigata en ambaŭ direktoj, ĉar Esperanto nature ne havas iksoj.

Eĉ ekzistas vera iks-ismo!

Iksoj aŭ unikodo?

Nur por retpaĝoj kaj programoj, unikodon oni devus rajti uzi. Tio, ĉar modernaj TTT-legiloj komprenas tiun signaron. Estas nur kvar, eble eĉ ses aŭ sep, legiloj multuzataj, sed estas dekoj da retpoŝtiloj!

Praktika regulo: ĉiam uzu la x-sistemon.

Sed tiu ne belas. Kelkfoje, oni povas uzi unikodon. En ĉi tiuj okazoj, mi uzus unikodon anstataŭ iksojn:

• Retpaĝoj
• Grafikaj programoj
• Papero (kompreneble, la diferenco inter iso-8859-3 kaj unikodo ne gravas tie)

Dua praktika regulo: neniam uzu unikodon por interaktivaj komputilaj adoj, kiel babilado kaj retpoŝtado.

Tiu ĉi paĝaro

Nu, kial mi uzis iksojn verkante kelkajn paĝojn en juerd.nl? Pro pura mallaboremo! :)

Eble pliposte mi decidos igi ilin unikode.